სიახლეები

Search

ასოციაცია „თანხმობა“-მ შიდა შეხვედრა გამართა

2022 წლის 30 აპრილს, იძულებით გადაადგილებულ ქალთა ასოციაცია „თანხმობა“-მ, გერმანული ორგანიზაციის “პური მსოფლიოსთვის“ დაფინანსებული პროექტის „ერთად ჩვენი უფლებებისთვის“ ფარგლებში შიდა შეხვედრა გამართა. შეხვედრას ესწრებოდნენ ასოციაცია „თანხმობა“-ს თბილისის და რეგიონალური ოფისების წარმომადგენლები. შეხვედრის მიზანი იყო მომავალი 3 წლის განმავლობაში სამუშაო პრიორიტეტების, გეგმებისა და მუშაობის მიმართულებების აქტიური განხილვა და მათი განსაზღვრა. დისკუსიის შედეგად, ორგანიზაციის წევრებმა ხაზი გაუსვეს 7 პრიორიტეტულ საკითხს, რომლებზეც მუშაობას ორგანიზაცია უახლოესი 3 წლის განმავლობაში აპირებს. ეს პრიორიტეტებია: მშვიდობა და ადამიანის უსაფრთხოება, დევნილთა უფლებები, ჯანდაცვა, ახალგაზრდებთან მუშაობა, მუშაობა კონფლიქტის პირა სოფლებში, იძულებით გადაადგილებული და კონფლიქტით დაზარალებული ქალების ეკონომიკური გაძლიერება და რეგიონალური უსაფრთხოების ხელშეწყობა.